«Ազատության» եթերում մասնակցելով «Ֆեյսբուքյան ասուլիս»-ին, ՀՀ նորընտիր ՄԻՊ Քրիստինե Գրիգորյանը պատասխանել է սեռական փոքրամասնությունների վերաբերյալ օգտատիրոջ հարցին:
Նշենք, որ օգտատեր Սևակ Կիրակոսյանը նշել էր, որ դեռևս գործող ՄԻՊ Արման Թաթոյանն ուներ պահպանողական կեցվածք, ուստի սեքս-աշխատանքի կամ ԼԳԲՏ համայնքի ունեցած խնդիրներով նրան դիմելն անիմաստ էր:
«Դուք պատրա՞ստ եք զբաղվել ԼԳԲՏ համայքի, անգամ՝ Հայաստանից փախած ադրբեջանական համայնքի ներկայացուցիչների խնդիրներով»,- հարցը ձևակերպել էր նա:
«Գիտեմ, թե ինչ խարանավորման է արժանանում ԼԳԲՏ համայնքը, ինչը շատ ցավալի է, շատ պարզ է, որ զբաղվելու եմ նաև նման իրավիճակում հայտնված խոցելի մարդկանց իրավունքներով, որովհետև մարդու իրավունքները հավասար են: Միանշանակ, Հայաստանում ԼԳԲՏ համայնքի նկատմամբ առկա է խտրական վերաբերմունք, այդ անձինք ցավալիորեն թիրախավորվում են»,- պատասխանեց նորընտիր ՄԻՊ Քրիստինե Գրիգորյանը՝ չանդրադառնալով ադրբեջանական համայնքի վերաբերյալ հարցին:
Դիտեք նաև՝
