My Page.am-ը գրում է, որ ֆեյսբուք սոցիալական ցանցի հիմնադիր Մարկ Ցուկերբերգը խոստացել է պատասխանել օգտատերերի հարցերին առցանց ասուլիսի ընթացքում, որը կտևի մեկ ժամ։ Հայազգի օգտատերերից մեկը նույնպես հարց է ուղղելֆեյսբուքի հիմնադրին 2015-ին Հայոց ցեղասպանության 100-րդ տարելիցի մասին: Մասնավորապես նա գրել է՝
«Հարգելի Մարկ, հավանաբար տեղյակ եք, որ 2015-ին լրանում է Հայոց ցեղասպանության 100-րդ տարելիցը: Ամբողջ աշխարհում բազմաթիվ մարդիկ վստահ են, որ անկախ ազգությունից յուրաքանչյուր ոք պետք է ճանաչի և դատապարտի 20-րդ դարի սկզբին Թուրքիայի կատարած բոլոր ոճիրները: Արդյո՞ք ֆեյսբուքը պատրաստվում է որևէ բան անել Հայոց ցեղասպանության համաշխարհային ճանաչման և դատապարտման համար»:
Դուք կարող եք ձեր փոքրիկ ներդրումն ունենալ, որպեսզի հարցն ունենա մեծաքանակ լայքեր և ուշադրություն գրավի: Պարզապես անցեք հղումով և սեղմեք լայք հայ օգտատիրոջ մեկնաբանությանը:
