«Չի կարելի է այսպես վարվել: Այն օրենքը, որ անցկացրեցիք, գիտեք, որ հասարակության մեծամասնության կողմից չի ընդունվում: Չեք գիտակցո՞ւմ այդ բոլորը»,- Աժ-ում խոսքն ուղղելով Գալուստ Սահակյանին՝ հայտարարեց ԲՀԿ Վարդան Օսկանյանը՝ ասելով, որ իրեն նվաստացած է զգում:
«Երբ մեր իրավունքի մեջ է 20 րոպե ընդմիջում վերցնելը, ինչո՞ւ չեք տալիս»,-հարցրեց նա:
«Դա իմ լիազորությունների շրջանակում է, հիմա Դուք Ձեր հարցը հարցրեք»,-նետեց ԱԺ նախագահը:
Հիշեցնենք, որ ԱԺ-ում քվեարկության դրվեց «Կուտակային կենսաթոշակի մասին ՀՀ օրենքում փոփոխություն կատարելու մասին» և կից ներկայացված օրենքների նախագծերի փաթեթը առաջին ընթերցմամբ ընդունելու մասին հարցը:
Կողմ քվեարկեցին 67-ը, ինչը վերածվեց վեճի:
Անի Կարապետյան
