▲ Դեպի վեր

lang.iso lang.iso lang.iso

Իսրայելական պաշտպանական համակարգը խոցել է Երևանի կողմից՝ Բաքվի ուղղությամբ արձակած ռուսական հրթիռը

Հայաստանը նոյեմբերին, Ղարաբաղյան պատերազմի ժամանակ Բաքվի ուղղությամբ առնվազն 1 ռուսական «Իսկանդեր» բալիստիկ հրթիռ է արձակել, սակայն այն խոցվել է Ադրբեջանի կողմից: Այս մասին Middle East Eye գործակալությանը հայտնել է տեղեկացված բարձրաստիճան պաշտոնյան:

Պաշտոնյայի խոսքով՝ Ռուսաստանը Հայաստանին խրախուսել է օգտագործել «Իսկանդեր» հրթիռները և նյութական աջակցություն է ցուցաբերել դրանց արձակման համար՝ ստիպելու համար Ադրբեջանին հրադադարի գնալ:

««Իսկանդեր» բալիստիկ հրթիռը Երևանի կողմից արձակվել է հրադադարից մի քանի օր առաջ՝ մայրաքաղաքի ուղղությամբ։ Դա անհանգստացրել է ադրբեջանցի պաշտոնյաներին։ Սակայն ադրբեջանական զինվորականների կողմից շահագործվող իսրայելական «Բարաք-8» հակահրթիռային պաշտպանության համակարգը խոցել է այն»,- ասել է պաշտոնյան։

«Այդ հրթիռների հետագա կիրառումը կարող էր իսկապես սրել իրավիճակը։ Եվ ես կարծում եմ, որ դա, ի թիվս այլ բաների, համոզել է ադրբեջանական ղեկավարությանը գնալ հրադադարի»,- նշել է նա։

Համակարգն Ադրբեջանի կողմից ձեռք է բերվել 2018 թվականին և անցել է փորձարկումներ։ Նոյեմբերի 9-ին հայտարարված հրադադարից մի քանի ժամ առաջ սոցցանցերում հայտնված տեսագրությունը վկայում է այն մասին, որ Հայաստանը «Իսկանդեր» հրթիռ է արձակել Ադրբեջանի տարածքի ուղղությամբ:

Video of the Armenian Iskander launch pic.twitter.com/keTt7IT2MG

— Fabian Hinz (@fab_hinz) November 9, 2020

 

 

Կայքում տեղ գտած մտքերն ու սկզբնաղբյուրներից վերահրապարակված նյութերը կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին