▲ Դեպի վեր

lang.iso lang.iso lang.iso

Կրեմլը հաստատել է. ռուսաստանցի բժիշկներն այցելել են Նիկոլ Փաշինյանին

Մինչ Մոսկվա մեկնելն ու ՌԴ նախագահ Վլադիմիր Պուտինի հետ հանդիպելը Հայաստանի ու Ադրբեջանի ղեկավարներ Նիկոլ Փաշինյանն ու Իլհամ Ալիևն ընդունել են ռուսաստանցի բժիշկներին:

Այս մասին «Коммерсантъ»-ին հայտնել է ՌԴ նախագահի խոսնակ Դմիտրի Պեսկովը:

Միևնույն ժամանակ Պեսկովը չի հայտնել բժիշկների այցի նպատակը՝ հղում անելով նրան, որ վերջիններս մինչև հունվարի 16-ը արձակուրդի մեջ են:

Հիշեցնենք, որ Դեժավյու տելեգրամյան ալիքը գրել էր, թե ինչու՞ էր Նիկոլ Փաշինյանն այդքան կարճ հարդարել մորուքը։

«Մանրամասներ՝ Փաշինյանի բժշկական ստուգումներից։

Ինչպես արդեն գրել էինք, հունվարի 11-ին Մոսկվա կատարվելիք այցից մեկ շաբաթ առաջ Ռուսաստանի Դաշնությունից Հայաստան էին ժամանել Կրեմլի կողմից գործուղված բժշկական հետազոտողների խումբ, որոնք բազմակողմանի ստուգել են վարչապետ Փաշինյանի առողջական վիճակը։ Ստուգումներն արվել են Ռուսաստանից բերված սարքավորումներով, որպեսզի արժանահավատ լինեն ընդունող՝ ռուսական կողմի համար։ Ստուգումների տվյալների ուշացումն է եղել նաեւ պատճառը, որ այցի մասին հստակ տեղեկատվություն չէր տրամադրվում, իսկ այցը չէր հաստատվում, քանի դեռ չկային հետազոտությունների վերջնական արդյունքները։

Բավարարող արդյունքները ստանալուց բացի, սակայն, ռուսական հետազոտողները մեկ այլ պայման եւս դրել են Նիկոլ Փաշինյանի առջեւ։ Նրանք բաց տեքստով տեղեկացրել են, որ անհրաժեշտ է նաեւ սափրվել, քանի որ մորուքը եւս կարող է պատճառ դառնալ տարատեսակ միկրոբների եւ վարակների տարածման։ Փաշինյանը խնդրել է, եթե հնարավոր է, թողնել մորուքը՝ ասելով, որ ինչպես պետք է՝ թող ախտահանեն հանդիպումներից առաջ, դա իր թալիսմանն է եղել։ Երկարատեւ համոզումներից հետո, ռուսական բուժաշխատողները խորհրդակցել են Մոսկայում գործընկերների հետ եւ կարճ ժամանակ հետո համաձայնություն տվել՝ թույլ տալով մորուքի հնարավոր ամենից կարճ տարբերակը, որը հնարավորինս անվտանգ կարող է լինել։ Դա է եղել պատճառը, թե ինչու էր Փաշինյանը այդքան կարճ հարդարել իր՝ բրենդ դարձած մորուքը»,- գրել է տելեգրամյան ալիքը։

Կայքում տեղ գտած մտքերը հեղինակի սեփականությունն են և կարող են չհամընկնել խմբագրության տեսակետի հետ: Asekose.am / հեռ: 095519696
Հասարակություն ավելին