Մեր մտածածն էն ա, որ ասեք՝ վա՜յ, էս ի՞նչ լավ ա, որ 50 մետր էն կողմ Ադրբեջան ա․․․Փաշինյանը՝ Տավուշում
Արդեն հաջորդ շաբաթվանից համայնքների ներկայացուցիչները ներգրավված կլինեն աշխատանքային խմբում, որը զբաղվելու է սահմանազատման աշխատանքներով: Այս մասին ասել է ՀՀ վարչապետ Նիկոլ Փաշինյանը Տավուշի Կիրանց համայնքում գյուղացիների հետ հանդիպմանը։
«Վարչական շրջանների ղեկավարները ներգրավված են սահմանազատման և սահմանագծման հանձնաժողովներում` իրենց փաստարկներով և ժողովրդին էլ տեղեկություն կտան, թե ինչ է տեղի ունենում: Հիմա ավելի շատ լարվածությունը Կիրանց և Բերքաբեր համայնքների հետ է կապված, որ մենք անվտանգությունն ապահովենք: Այդտեղ մենք դպրոց ենք կառուցում և պետք է մեր երեխաների անվտանգությունը լիարժեք ապահովենք»,–ասաց Փաշինյանը:
Փաշինյանի խոսքով, գործընթացն ինչքան էլ դժվար է, բայց ինքը դրական է տրամադրված, որովհետև սահման է գծվում երկրի ամբողջ տարածքով։
«Սահմանը խաղաղության որոշակի երաշխիք է։ Բոլորս միշտ պետք է հիշենք, որ կարա ինչ-որ բան նենց չգնա, իսկ որ ամեն ինչ նենց գնա, ոնց մենք պլանավորել ենք, մենք պետք է իրար հետ երկխոսության մեջ լինենք»,- ասաց Փաշինյանը։
***
Արմավիրի մարզի Մարգարա գյուղում տներից 50 մետր այն կողմ Թուրքիան է եւ թուրքական զորքն է. մեր նպատակն այդպիսի իրավիճակ ստանալն է: Այս մասին նախօրեին Տավուշի մարզի սահմանամերձ բնակավայրերի բնակիչների հետ հանդիպման ժամանակ նշեց ՀՀ վարչապետ Նիկոլ Փաշինյանը:
«Մեր խնդրանքն ու ակնկալիքն այն է, որ այս իրավիճակում իրար հետ լինենք, քայլ-քայլ ամեն ինչ հասկանալով առաջ գնանք: Ես չեմ կարող ասել, որ ձեր հոռետեսություն անհիմն է, այսօրվա վիճակը որեւէ լավատեսության հիմք չի տալիս: Մենք պետք է առաջ գնանք լավատեսություն կառուցելու համար»,-ասաց նա:
Փաշինյանը համաձայնեց գյուղացիներից մեկի պնդմանը, որ թուրքին վստահել չի կարելի. «Ճիշտ ես, բա դրա համար ենք մենք այս ամենը ուզում անենք: Ուզում ենք թուղթ ստեղծենք, որն արդեն կդառնա փոխադարձ պարտավորություն: Եթե սա չանենք, 100 տոկոսով կարող եմ ասել, որ անվտանգությունը չենք կարողանալու ապահովել: Քանի գնում է պրոցեսը, իմ լավատեսությունը շատանում է: Եթե այս ճանապարհով չգնանք, տեղ չենք հասնելու, իսկ այսպես մենք ունենք շատ մեծ շանս, ու ինչքան վստահ ենք գնում, շանսը մեծանում է, որ տեղ կհասնենք»,- ընդգծեց Փաշինյանը:
Նշենք, որ Փաշինյանն այս տարվա մեջ արդեն երկրորդ անգամ է գնում Ոսկեպար։ Նախորդ հանդիպումը ոսկեպարցիների հետ հարթ չի անցել։ Հանդիպման թեման եղել է Տավուշի 4 բնակավայրերն Ադրբեջանին հանձնելը, ինչին ոսկեպարցիները դեմ են արտահայտվել։ Փաշինյանը գյուղացիներին ասել է, որ այդ գյուղերը պետք է հանձնվեն, հակառակ դեպքում պատերազմ է սկսվելու։
Այսօրվա հանդիպումից, սակայն, ոսկեպարցիները այդքան էլ դժգոհ չեն մնացել։
***
|
Ադրբեջանագետ Տաթևի Հայրապետյանը ֆեյսբուքյան իր էջում գրում է․ «Նիկոլ Փաշինյանը երեկ Տավուշ կատարած այցի ժամանակ կրկին մտել էր սրտացավի, հոգատարի, անկախության ու անվտանգության պաշտպանի կեղծ դերի մեջ, իսկ իրականում եղել ու շարունակում է մնալ խրոնիկ ստախոս։ |
