«Պետք չէ աբսուրդ բաներ խոսել: ՀՀ նախագահն ընտրվել է այս տարի՝ 7 տարի ժամկետով»,- այս մասին այսօր ՝ սեպտեմբերի 4-ին, լրագրողների հետ զրույցի ժամանակ նշեց ՀՀ վարչապետ Նիկոլ Փաշինյանը՝ անդրադառնալով մամուլում տեղ գտած այն տեղեկատվությանը, ըստ որի՝ ինքը ՀՀ նախագահի պաշտոնում Արմեն Սարգսյանի փոխարեն տեսնում է առաջին նախագահ Լևոն Տեր-Պետրոսյանին:
Հիշեցնենք, որ այսօր մամուլում տեղեկություն էր տարածվել այն մասին, որ ՀՀ վարչապետ Նիկոլ Փաշինյանը ՀՀ նախագահի պաշտոնում Արմեն Սարգսյանի փոխարեն նպատակադրվել է տեսնել ՀՀ առաջին նախագահ Լևոն Տեր-Պետրոսյանին:
Նշվում էր, որ Արմեն Սարգսյանին փոխարինելու ցանկության առկայության մասին խոսվում էր դեռ վաղուց՝ թավշյա հեղափոխությունից հետո, սակայն հիմա, կարծես թե, դա ավելի առարկայական են դարձել:
Կարդացեք նաև՝ Ի՞նչ են քննարկել. Փաշինյանը՝ իր և Լևոն Տեր-Պետրոսյանի հանդիպման մանրամասների մասին
