mamul.am-ը գրում է.

Սեռական առողջության խնդիրների մասին այսօր լրագրողների հետ հանդիպման ժամանակ խոսել է բժիշկ-սեքսապաթոլոգ Վրեժ Շահրամանյանն, ում կարծիքով` դժվար է խորհուրդ տալ, թե որ տարիքից կարելի է սեռական հարաբերություն ունենալ:

«Դա կախված է սեռական դաստիարակության առանձնահատկություններից, ընդհանուր զարգացումից, սեռական հասունության ձևավորումից, տվյալ հասարակության մեջ գործող ավանդույթներից և տիրող բարոյահոգեբանական մթնոլորտից»,- համոզված է մասնագետը:

Նրա խոսքով` սեռական կյանքի սկիզբն ընկալվում է որպես հասունության որոշակի սահմանագիծ: «Շատ երկրներում տղամարդկանց համար այն սկսվում է 17-18 տարեկանում, կանանց համար` 19: Հայ իրականության համար այս թվերը նույնպես ակտուալ են»: Սեքսոլոգի համոզմամբ` որքան վաղ է սկսվում սեռական կյանքը, այնքան քիչ է այն սիրով պայմանավորված լինում:

«Սեռական կյանքով ապրելը կարող է սկսվել ավելի վաղ, եթե ընտանիքում այդ առումով թույլ է եղել դրվածքը, եթե դեռահասները ստացել են սեռական սխալ դաստիարակություն»,- ասաց մասնագետն ու մաղթեց, որ բոլորի ընտանիքում միշտ տիրի հոգեբանական և ֆիզիոլոգիական ներդաշնակություն:

Նյութը` սկզբնաղբյուր կայքում