«Մենք ուրախ կլինենք, եթե վերահսկողությունը լինի բավական խիստ եւ դիմակ չկրող մարդիկ կրեն օրենքով նապատեսված պատասխանատվությունը»:
Այս մասին լրագրողների հետ զրույցում ասաց առողջապահության նախարար Անահիտ Ավանեսյանը:
«Երբ վերահսկողության հետ կապված օրինագիծն էր քննարկվում, շրջանառվում էր, որ մարդիկ ինքնակամորեն, ինքնագիտակցաբար պետք է որ դիմակները կրեն, անկախ նրանից, կա վերահսկողություն թե չկա: Հիմա շատ լավ առիթ է դա ապացուցելու քաղաքացիների կողմից: Չեն կիրառվում տուգանքները էն խստությամբ, որը գուցե անհրաժեշտ է, բայց մարդիկ գիտակցելով, տեսնելով իրենց հարազատների վարակված լինելու փաստը, տեսնելով մահեր իրենց շրջապատում, պետք է որ զգոն լինեն: Մեր բոլորի ինքնագիտակցությունը պիտի այնպիսին լինի, որ ինքներս փորձենք պաշտպանել մեզ եւ մեր հարազատներին»,- ասաց նախարարը:
Նրա խոսքով, այսօրվա դրությամբ, կատարված թեստերի մեջ դրական պատասխանների թիվը բավական փոքր է: Չնայած վիրուսի տարածման աճի տենդենցը դեռ չի նկատվում, վիրուսի վերարտադրողականության ցուցանիշը 0.55-ից դարձել է 0.98, որը ցույց է տվել աճը:
«Մենք ունենք վարակվածների թիվ, լավացածների թիվ, բայց դա դեռ ոչինչ չի նշանակում: Դիմակների կրումը այն կարեւոր միջոցառումներից է, որն օգնում է վարակի տարածելիությունը պահել կառավարելի շրջանակներում»:
