▲ Դեպի վեր

lang.iso lang.iso lang.iso

Ովքե՞ր են ապահովում Փաշինյանի այցերի «մասովկան»

«Հրապարակ» թերթը գրում է. Նիկոլ Փաշինյանը նախընտրական մարզային այցերի «մասովկան» ապահովում է հատուկ հավաքագրված շրջիկ-աջակիցների միջոցով։ Նախապես քաղաքացիական ավտոմեքենաներով հանրահավաքի վայր են մեկնում «աջակիցները», որպեսզի Նիկոլ Փաշինյանին դիմավորելիս մեծ բազմություն հավաքված լինի։ Բացի դրանից՝ հատուկ սցենարներ են մտածում, թե ով ինչպես երկրպագի իրենց «աստված» Փաշինյանին։

Ամեն տեղում մի կրեատիվ բան են մտածում փիառշչիկները, որ տպավորություն գործեն հանրության վրա եւ մարդկանց ներշնչեն, թե շատ մեծ աջակցություն է վայելում Փաշինյանը երկրով մեկ։

Մեզ ասացին, որ մինչ օրս գրեթե բոլոր այցերի ժամանակ Փաշինյանին ուղեկցել են հեղափոխության պահապանները եւ նրանց հավաքագրած մարդիկ։ Օրինակ, Արագածոտնի մարզի Արագածավանի համայնքապետ Անդրանիկ Պապիկյանը մեզ հետ զրույցում ասաց, որ իր ղեկավարած համայնքում Փաշինյանի գլխին վարդի թերթիկներ շաղ տված կինն իրենց համայնքի բնակիչ չէ։

«Մեր գյուղից չի, կարող է՝ իրանց հետ էր եկել, կարող է՝ կողքի գյուղերից էր եկել: Այ մարդ, էդ մարդիկ իրար ծանոթ էին, բերեց՝ իրա ծանոթի գլխին վարդի թերթիկներ շաղ տվեց-գնաց, անձամբ ճանաչում էին իրար, երկար զրուցում էին ինքն ու Փաշինյանը»,- ասաց նա։ Իսկ երեկ Արթիկում մի ցուցարար, հավանաբար՝ Էջմիածնի բնակիչ, լեզվի սայթաքում թույլ տվեց՝ ասելով, թե Փաշինյանն ազատագրել է Էջմիածինը։

Դիտեք նաև՝

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Մամուլ ավելին