ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը, ով հորն ուղեկցել էր ԱԱԾ, լրագրողների հետ զրույցում ասաց, որ պարզ էր՝ ինչ է լինելու, ինքը կզարմանար, եթե ուրիշ որոշում լիներ՝ այն ընթացքից ելնելով, որը եղել է:
Լևոն Քոչարյանը նաև նշեց, որ իրավական և քաղաքական առումով կլինեն բողոքարկումները: «Այստեղ կարևոր է դատավորի ներքին անկախությունը, թե որքանով նա կարող է ինչ-որ որոշում կայացնել` հասկանալով, որ դա կարող է իշխանությանը դուրեկան չլինել: Այստեղ կարևոր է դատավորի անձը, ով այդ տղամարդկությունը կունենա գնալ օրենքով, այս դեպքում դա արդեն ինչ-որ տեղ տղամարդկության հարց է ստացվում:Մենք բոլորս գտնում ենք, որ սա սարքած գործ է, եթե դու մի բան գտնում ես, որ օրենքից դուրս է արվել, բնականաբար ասում ես, որ դու պատասխանատվության ես ենթարկվելու»,-ասաց նա:
Նա նշեց, որ հույսն այն է, որ այս աբսուրդը ինչ-որ մի պահի կվերջանա: