Ֆեյսբուքյան օգտատեր Դավիթ Կադաևչյանը, ներկայանալով որպես սպանված ոստիկան Յուրի Տեփանոսյանի հորաքրոջ տղա, այսպիսի գրառում էր կատարել.
«Սպանված ոստիկանը քեռուս տղան է:
Էս դեպքերը սկսելու առաջին օրվանից արձակուրդ դասավորեց, որ չմասնակցի…Հետ կանչեցին արձակուրդից: Պիտի իջեցնեին մարդկանց առաջ կենդանի պատի մաս կազմեր, չհնազանդվեց: Դասավորեց ինչքան հնարավոր ա հեռու լինի էպիկենտրոնից:
Ասում էր, եթե հրամայեն էլ գնա ցույցի դիմաց կանգնի, դուրս կգա աշխատանքից: Շատ երկար չգրեմ էլ…Չսկսեմ իրա մահով ուրախացողներին հայհոյել, որովհետև դա ախպորս հետ չի բերի»:
Այս առիթով պարզաբանում է տարածել ՀՀ ոստիկանության լրատվության եւ հասարակայնության հետ կապերի վարչության պետ Աշոտ Ահարոնյանը: Նա մասնավորապես հայտարարել է. «Համացանցում որոշ մանկամիտներ տեղեկություն են տարածել, թե երեկ սպանված զինծառայողի քեռու տղան ասել է, որ նա չէր ուզում ծառայել: Յուրի Տեփանոսյանն իրականում քեռի ունի, բայց նրա քեռին որդի չունի: Լրատվամիջոցներին, սոցցանցի իրական օգտատերերին կոչ եմ անում անհեթեթ տեղեկություններ չտարածել: