Սփյուռքի նախարար Մխիթար Հայրապետյանն ֆեյսբուքյան իր էջում գրառում է արել.
« [ARM] 24-րդ օրվա ամփոփումը
Նախարարության խորհրդակցությունների սենյակում տարածաշրջանային վարչությունների պետերի հետ անցկացրի շտապ խորհրդակցություն: Արդյունքում ձևավորվեց օպերատիվ խումբ՝ քննարկելու նախկինում հաստատված ծրագրերի համար նախապես տոմսեր գնած մեր հայրենակիցների բարձրացրած խնդիրները և դրանց լուծումներ տալու: Սփյուռքի նախարարությունն անելու է հնարավորը և նույնիսկ անհնարինը, որպեսզի մեր հայրենակիցներից որևէ մեկը դժգոհ չմնա ծրագրերի ժամկետները հետաձգելու վերաբերյալ մեր կայացրած որոշումներից:
Ընդունեցի Իրանի Իսլամական Հանրապետությունում Հայաստանի Հանրապետությունում արտակարգ և լիազոր դեսպան Արտաշես Թումանյանին: Քննարկեցինք Իրանի հայ համայնքին վերաբերող հարցերն ու խնդիրները:
Այնուհետև հանդիպեցի Մեքսիկայի հիշողության և հանդուրժողականության թանգարանի ներկայացուցիչ Սոնյա Առաքելյանին:
Սփյուռքի նախարարությունում տեղի ունեցավ Հայ մարմնակրթական ընդհանուր միության հիմնադրման 100 ամյակին նվիրված տոնակատարությունները և 11-րդ բանակումները կազմակերպելու նպատակով ստեղծված միջգերատեսչական հանձնաժողովի նիստը: Հանդես եկա բացման խոսքով՝ նշելով, որ անգնահատելի և անուրանալի է ՀՄԸՄ-ի դերը հայապահպանության, Հայաստան-Սփյուռք կապերի ամրապնդման և սկաուտական շարժման զարգացման գործում: Արձանագրվեց, որ ամեն բան պետք է արվի համապատասխան գերատեսչությունների կողմից, որպեսզի վերոնշյալ միջոցառումներն անցկացվեն ամենաբարձր մակարդակով:
Հանդիպում ունեցա նաև Ատոմ Ջանջուղազյանի հետ, քննարկեցինք նախարարության ծրագրերի հետ կապված ֆինանսական հարցերը:
Հանդիպեցի «Դասավանդի՛ր, Հայաստան» կազմակերպության հիմնադիր Լարիսա Հովաննիսյանի և կազմակերպության անդամների հետ: Հանդիպմանը ներկա էր նաև փոխնախարար Բաբկեն Տեր- Գրիգորյանը:
«Երևան Պլազա» բիզնես կենտրոնում մասնակցեցի Շվեդիայի Թագավորության ազգային տոնին նվիրված ընդունելությանը:
Օրվա վերջում ընդունեցի սպորտի և երիտասարդության նախարար Լևոն Վահրադյանին՝ վերջինիս ներկայացնելով սփյուռքահայ երիտասարդների մասնակցությամբ համատեղ նախագիծ իրականացնելու առաջարկս»:
Կարդացեք նաև` «Հայկական Սփյուռք» տարեգիրքն այլևս չի հրատարակվի. այդ 5 միլիոն դրամը կամ կվերադարձվի բյուջե, կամ…
2018 թվականի համար մենք պետական բյուջե ենք վերադարձնում 3 մլն 40 հազար ՀՀ դրամ. Սփյուռքի նախարար
