Աղվերանում անցած շաբաթ տեղի ունեցած հավաքը իմքայլականների համար հարթ չի անցել։
Այս մասին հայտնում է Hraparak.am-ը:
«Մասնավորապես, արտահերթ ընտրությունների չգնալու Նիկոլ Փաշինյանի որոշումը, որը հետո ներկայացվեց «Իմ քայլի» անունից, դժգոհություններ է առաջացրել իշխող խմբակցության որոշ շերտերում։
Ոմանք հրապարակային խոսել են, ասել, որ արտահերթ ընտրությունները ուղղակի հրամայական են, անգամ չեն թաքցրել, որ այսօր իրենց նկատմամբ ֆիզիկական բռնության վտանգ են զգում ու պետք է վերջ դնել այս վիճակին։
«Մեզ պատմեցին, որ հարցի քննարկման ընթացքում և անգամ դրանից հետո թեժ լեզվակռիվ է եղել արտահերթին «կողմ» և «դեմ» պատգամավորներից ոմանց միջև, և այդ ամենի հետևանքը կարող է լինել այն, որ մի քանի պատգամավոր հայտարարեն խմբակցությունից դուրս գալու մասին։ Անգամ կոնկրետ թվի մասին են խոսում՝ երեքը»,- գրել է լրատվամիջոցը:
Նյութը՝ սկզբնաղբյուր կայքում
