Ինչպես արդեն տեղեկացրել ենք՝ օրեր առաջ «Starbucks»-ը տարածել էր նոր գովազդային վահանակներ, որոնց վրա պատկերված էին հայկական տարազով աղջիկներ, իսկ նրանց գլխավերում էլ երևում էր թուրքական դրոշը:  Թուրքական «Ռադիկալ» պարբերականը գրում է, որ Հայկական սփյուռքի ակտիվ քայլերի հետևանքով Starbucks-ը ոչ միայն հանել է Թուրքիայի դրոշով պաստառը, այլև հայերից ներողություն խնդրել՝ հավաստիացնելով, որ այդ պաստառն այլևս չի օգտագործվելու ընկերության գովազդներում։

Այս փաստն էլ զայրացրել է թուրքերին։ Ինչպես գրում է թուրքական «Միլլիյեթ» պարբերականը, մասնավորապես, Ադանայում երեկ ակցիա են անցկացրել, որի շրջանակներում քաղաքի Starbucks-ի բոլոր սրճարաններում թուրքական դրոշ են տեղադրել։

Հետաքրքիր է, որ դրոշները փակցրել են ոստիկանության աշխատակիցները՝ Ադանայի քաղաքապետ Հյուսեին Սյոզլյուի հրահանգով։