Մարտի 8-ի առիթով մայրաքաղաքում կազմակերպվող ավանդական  միջոցառումներից բացի, այս տարի ևս Երևանի քաղաքապետարանը հանդես է եկել նաև մի շարք նոր, անակնկալ նախաձեռնություններով:

Երևանյան տրոլեյբուսներից  մեկի ողջ ուղերթի ընթացքում  իշխել է չափազանց տոնական մթնոլորտ`կենդանի երաժշտության ուղեկցությամբ: Հնչել  են կանանց նվիրված մի շարք հայտնի ու սիրված ստեղծագործություններ, իսկ ուղևորասրահում գտնվող բոլոր կանանց ու աղջիկներին նվիրել են ծաղիկներ ու Երևանի քաղաքապետի շնորհավորական բացիկներ: