Արդեն տեղեկացրել ենք, որ ընդդիմադիր շարժման առաջնորդ, ԱԺ «Ելք» խմբակցության ղեկավար Նիկոլ Փաշինյանն այսօր՝ ապրիլի 30-ին, Ազգային ժողովում է:
Այս պահին ավարտվել է «Ելք» խմբակցության հետ հանդիպումը, որի ժամանակ վարչապետի թեկնածու է առաջադրվել Նիկոլ Փաշինյանը: Պատասխանելով լրագրողների հարցերին` Փաշինյանը հույս է հայտնել, որ վարչապետի ընտրությունները կընթանան առանց նախապայմանների:
Ըստ Փաշինյանի` բոլոր ուժերի հետ մի թեմա է քննարկելու՝ հանրապետությունում առկա ներքաղաքական ճգնաժամի հաղթահարումը։
«Վաղը հնարավոր են տարբեր սցենարներ»,-ասաց Փաշինյանը։
Հավելենք, որ Նիկոլ Փաշինյանը հանդիպելու է խորհրդարանական բոլոր ուժերի, այդ թվում՝ ՀՀԿ խմբակցության հետ։
