Հանրային կարգավորող հանձնաժողովի նախագահ Գարեգին Բաղրամյանը, լրագրողների հետ զրույցում անդրադառնալով խմելու ջրի սակագնին, նշեց, որ 2019 թվականին գործող սակագնով խորանարդ մետրը 191,4 դրամ էր, որի 11,4 դրամը պետությունը սուբսիդավորում էր բյուջեից, և բաժանորդները փաստացի վճարում էին 180 դրամ։
«2020 թվականի հունվարի 1-ից հանձնաժողովի կողմից սակագին սահմանվեց 180 դրամը։ Այսինքն՝ բյուջեից սուբսիդավորման խնդիր չկա», - ասաց Գարեգին Բաղրամյանը:
