Վերջին մեկ ժամվա ընթացքում, 11.20-ին և մոտ 10 րոպե անց, ոստիկանության ՊՊԾ գնդի տարածքում պայթյուններ են լսվել:
«Ազատություն» ռադիոկայանը ներկայացրել է տեսանյութ, որտեղ երեւում է, թե ինչպես է ՊՊԾ գնդի տարածքից ծուխ դուրս գալիս։
Հիշեցնենք, որ նախօրեին Ազգային անվտանգության ծառայությունը մինչեւ ժամը 17.00 վերջնաժամկետ տվեց «Սասնա ծռեր» խմբին զենքը վայր դնելու և իշխանություններին հանձնվելու համար: «Հակառակ դեպքում իրավապահ մարմինների հատուկ նշանակության ստորաբաժանումները լիազորված են առանց նախազգուշացման կրակ բացել եւ վնասազերծել ՊՊԾ գնդի տարածքում կամ դրանից դուրս գտնվող ցանկացած զինված անձի», - ասված էր ԱԱԾ-ի հայտարարությունում: