«Սիրիայի նախագահ Ասադի իշխանության տապալումը հայերի շահերից չի բխում, որովհետև կուժեղանա թուրքական գործոնը»,-լրագրողների հետ հանդիպման ժամանակ նման տեսակետ հայտնեց քաղաքագետ Լևոն Շիրինյանը:
Քաղաքագետի խոսքով՝ ևս մեկ հանգամանք կա.
«Սիրիական ճգնաժամի տևականության արդյունքում մեր սահմաններին կունենանք խաղաղ վիճակ, եթե ոչ՝ Թուրքիան ուշադրությունը կսևեռի դեպ Հայաստան ու Հունաստան: Սա ՀՀ իշխանություններին պետք է պարտադրի, որ պետության կայացման գործընթացն առանց մառախլապատ խոսակցությունների շարունակեն և տեղափոխեն արդյունաբերական, գիտական ու մշակութային հիմքերի վրա: Եթե մենք սեփական արտադրությունը չունենանք, սա աղետալի կլինի մեզ համար: Հայ ժողովուրդն ունի անսպառ հարստություն, և այն խոսակցությունները, թե Հայաստանն աղքատ երկիր է, անհիմն են: Հայաստանն ունի նավթից ավելի մեծ արժեք ունեցող հումք, դա բազմազան քարն է, որի արդյունաբերությունը կշարժի ամեն ինչ: Հայաստանը պետք է ստեղծի քարի արդյունաբերություն, դառնա քարի լաբորատորիա՝ համաշխարհային մասշտաբով: Էլ չեմ խոսում մյուս հայտնագործությունների մասին: Մեզ մոտ սենսորների արտադրության այնպիսի գյուտեր կան, որ անգամ Ճապոնիան, Չինաստանը, Ռուսաստանն ու ԱՄՆ-ն չունեն»:
Անի Կարապետյան
