Չինացի առաջին փիլիսոփա և կոնֆուցիականության հիմնադիր Կոնֆուցիոսի մտքերից:
Նշանավոր է այն մարդը, ով աչքի է ընկնում ազնվությանմբ և ուղղամտությամբ:
Սերը հեռավորություն չի ճանաչում:
Եթե սխալ ես գործել, երբեք մի վախեցիր ուղղելուց:
Մարդկանց մի արա այն, ինչը չես ցանկանում քեզ:
Հասարակության մեջ յուրաքանչյուր մարդ պետք է զբաղեցնի Երկնքի կողմից նախասահմանված դիրքը և պաշտոնը: Երբ խախտվում է այդ կարգը` պետության մեջ առաջանում է անկարգություն, անիշխանություն, բարոյազրկվում և հեղինակազրկվում են հասարակական արժեքները:
Ի տարբերություն փոքրոգի, չնչին մարդուկների, ազնվազարմ մարդը մտածում է ոչ թե շահի, օգուտի, այլ պարտքի մասին:
Կատարյալ մարդը խուսափելով ծայրահեղություններից, ընտրում է դրանց միջինը:
Լինել իմաստուն, նշանակում է ճանաչել մարդկանց:
Բառերից միայն մեկ բան է պահանջվում՝ լինել հասկանալի:
Բարությանը պատասխանիր բարությամբ, իսկ չարությանը՝ արդարությամբ:
Խնամքը ուշադրությունն է ուրիշների հանդեպ: Այն լավ կյանքի և հասարակության հիմքն է:
Անկեղծությունը և ազնվությունը բոլոր արժանիքների հիմքն են:
Ամենամեծ փառքը նրա մեջ չէ, որ երբեք սխալ չգործես, այլ նրա մեջ է, որ ամեն ընկնելուց կարողանաս վեր բարձրանալ:
