<< Բարով եկար>>...

Էս նոր-տարին էլի էկավ
Խոստումնալից մեկի նման...

Էլի հարբեց ամբողջ գիշեր,
Երգե~ց,պարե~ց,
Մինչև անգամ,
Թևատակին մի շիշ շամպայն
Կես գիշերից անդին թաքուն
Եվ այցելեց ժամադրության`
Իրականում...

Լույսը բացվեց` նախորդի պես
Գլխացավով...

Նույն սցենարով,
Քաղաքն էլի շորորալով փողոց ելավ
/ նախորդի պես գնալ-գալով /,
Հավատալով,
Իբրև աշխարհն հենց` ինքն իրեն...
Նորն է դարձել ինքնակամոք:

Շնորհավոր:

Մաղթանքների հագուրդ տալով,
Ասեմ միայն.

-Ես հոգնեցի հավատալով,
Թե աշխարհը գիտե իրոք
Նորը դառնալ,
Ամանորի մի գիշերվա` << Ձմեռ Պապով >>...

Լույսը բացվեց`նախորդի պես
Գլխացավով:

Բարով եկար,նոր ամանոր...

Ազատ Աբրահամյան