Հետևեք նաև Asekose.am-ին՝ տելեգրամում։
Լրագրող, քաղաքական մեկնաբան Կարպիս Փաշոյանը գրում է.
Թերևս Միքայել Մինասյանի բնութագրումը ճշգրիտ էր, երբ նշում էր, որ պետությունը կառավարվում է Հայկական Ժամանակի տրամաբանությամբ։
Կառավարման համակարգի և արտաքին քաղաքականության հիմքում դրված է օդում պտտվող լուրերի և հավաստի աղբյուրների մշակույթը, իսկ հանրային կյանքը կառուցվում է ծնվող և մահացող լրատվական վերնագրերի փիլիսիփայությամբ։
Կարդացեք նաև՝ Մենք գործ ունենք ոչ թե «Հավաստի Աղբյուրի» հետ, այլ՝ Մեխի Գլխի. Լեւոն Զուրաբյանը՝ ՀԺ-ի հրապարակման մասին
Հավելենք, որ Նիկոլ Փաշինյանի ընտանիքին պատկանող armtimes.com-ն այսօր գրել էր. «Միջազգային և տարածաշրջանի լարվածության պայմաններում հաճախ իսկապես դժվար է գույքագրել Հայաստանից Ադրբեջանի կոնկրետ պահանջները: Բայց եթե գնանք գույքագրման ճանապարհով, կարող ենք ասել, որ Ադրբեջանը Հայաստանից ունի 5 հիմնական պահանջ:
Դրանք հետևյալն են.
- ԼՂ պաշտպանության բանակի լուծարում
- ԼՂ ճանաչում Ադրբեջանի կազմում՝ առանց որևէ ինքնավար կարգավիճակի: Այսինքն՝ 0 կարգավիճակով:
- Միջանցք Հայաստանի տարածքով
- Սահմանագծման և սահմանազատման գործընթաց 1919, 1920 թվականի քարտեզներով (առայժմ հայտնի չէ, թե կոնկրետ ո՞ր քարտեզների մասին է խոսքը)
- Անհետ կորած ադրբեջանցիների ճակատագրի պարզաբանում, հնարավոր է հետագայում Հայաստանին պատերազմական հանցագործությունների մեջ մեղադրելու միտումով:
Պետք է հաշվի առնել, որ վերը նշված հարցերը թվարկված են՝ ըստ սադրիչ գործողությունների հնարավորության, թե որքանով դրանք կարող են Ադրբեջանի կողմից օգտագործվել Հայաստանի դեմ նոր ռազմական սադրանքներ կազմակերպելու համար:
Սա նշանակում է, որ Ադրբեջանի հետ համապարփակ խաղաղության հասնելու համար պետք է հասցեագրել այս հարցերը: Հասցեագրել՝ տվյալ դեպքում նշանակում է կա՛մ բավարարել պահանջները, կա՛մ գտնել փոխզիջում, կա՛մ Ադրբեջանին ստիպել/համոզել հրաժարվել այդ պահանջներից: Կամ՝ գտնել այլ տարբերակ:
Այս հրապարակումը կարելի է համարել նաև պատասխան Լևոն Տեր-Պետրոսյանի այն պնդմանը, թե իրենք չունեն ամբողջական տեղեկատվություն բանակցային գործընթացների մասին: Հաջորդիվ կանդրադառնանք հարցին, թե ինչ են ուզում Ռուսաստանը, ԱՄՆ-ը, Իրանը, ԵՄ-ն» :
