▲ Դեպի վեր

ՎԵՐՋԻՆ ԼՈւՐԵՐԸ

Խնդրում եմ վերացնել բոլոր դատարանների արգելափակումը. Փաշինյանի ուղիղ եթերը

Դատական համակարգը պետք է վիրահատական միջամտության ենթարկել. Նիկոլ Փաշինյան

Կայծակից այրվել է տրոլեյբուսը, ուղևորներին փրկել են ռազմական համալսարանի կուրսանտները. Արծրուն Հովհաննիսյան

Գեղեցիկ փորձից մինչև գեղեցկուհու փորձանք

Քննադատում են արևելյան մելիզմները, բայց հետո էլ` պարում դրանց ներքո. Կարեն Բոքսյան



2014-10-01 16:18:51

«Ты в моей душе», «Вот Уходят в море корабли», «Ара вай, вай, вай» և այլ հայտնի հիթերի կատարող Կարեն Բոքսյանը, ով իրեն համարում է հայկական Կոպերֆիլդ, այս օրերին հրավերով Հայաստանում է: Բացի գործնական հանդիպումներից, Կարեն Բոքսյանը կարծես թե այս անգամ որոշել է հաճելին համատեղել օգտակարի հետ` օրերս ներկայացնելով իր նոր` «Для моей любви» երգի հիման վրա նկարահանած տեսահոլովակը: Asekose.am-ի թղթակիցը զրուցել է երգչի հետ` վերջերս իր գործունեության մեջ նկատված ակտիվության, տեսահոլովակները Հայաստանում նկարահանելու իր որոշման, նոր երգի մեջ արևելյան մելիզմներ օգտագործելու, անձնական կյանքի փոփոխության և այլ հարցերի շուրջ: 

 

Կարճ ժամանակահատվածում մեկը մյուսի հետևից ներկայացրեցիք ձեր երկու տեսահոլովակները («Ты в моей душе» և «Для моей любви»): Այսչափ շտապողականության խնդիրը ո՞րն էր:

Կարծում եմ` իմ գործունեության մեջ սա ինչ-որ մի նոր` ավելի ակտիվ փուլ է, քանի որ վերջին տարիներին շատ էի լսում, որ վիզուալ առումով ինձ չեն ճանաչում: Միգուցե հենց դա էր պատճառը, որ ես փոքր-ինչ սկսեցի կենտրոնանալ հենց տեսահոլովակներիս վրա:  Մարդկանց մոտ ես պարզապես հայտնի էի որպես «Ты в моей душе »,   «Вот Уходят в море корабли» և այլ հիթերի Կարեն: Երևի մինչ այս մի փոքր համեստ էի ինձ պահում (ծիծաղում է):

Նկարահանելով տեսահոլովակ «Ты в моей душе» հայտնի և սիրված երգի հիման վրա ` կարելի՞ է ասել, որ նախևառաջ ցանկություն ունեիք ճանաչելի դարձնել ձեզ:

Ճիշտն ասած արդեն երկար տարիներ է, ինչ ինձ հարազատ մարդիկ պնդում էին, որ հենց այս երգը պետք է վերածվի տեսահոլովակի: Եվ ստացվեց այնպես, որ իմ վերջին այցելություններից մեկը դեպի Հայաստան եղավ ճիշտ ժամանակին: Ծանոթանալով Սերժ Գաբյանի հետ` որոշեցի, որ հենց նրա հետ ես պետք է աշխատեմ, քանի որ բացի տաղանդավոր լինելուց, նա նաև լավ մարդ է, ինչն ինձ համար առաջնային է:

Հետաքրքիր է` արդյո՞ք արդարացան ձեր սպասումները` կապված «Ты в моей душе» երգի հիման վրա նկարահանած տեսահոլովակի հետ: Կարծես թե այն աշխուժությունը, որը որ սովորաբար լինում է նման դեպքերում, չկար, իհարկե, հասկանալի պատճառներով, քանի որ երգն արդեն վաղուց էր հայտնի: Չեք կարծո՞ւմ, որ մարդկանց մոտ սա կարող է դիտվել որպես զուտ ձեր հոգու հանգստության համար արված աշխատանք:

Չգիտեմ այստեղ ինչպես, բայց տեսահոլովակի հետ կապված ինձ շատ-շատ նամակներ են գրում Ռուսաստանից, ԱՄՆ-ից և պետք է նշեմ, որ երգը շատ հայտնի է նաև Իսրայելում: Այս տեսահոլովակի ամբողջ նմապատակն այն էր, որ այն հարցականը, որը որ կար Կարեն երգչի հետ կապված, բացահայտվեր: Բայց ասել, որ շատ սպասելիքներ ունեի, որոնք չարդարացան, ինձ թվում է սխալ կլինի:

Օրեր առաջ ներկայացրեցիք նաև ձեր նոր` «Для моей любви», երգի հիման վրա նկարահանած տեսահոլովակը: Մի փոքր մանրամասնեք, թե ինչո՞ւ հենց այս ստեղծագործությունը վերածվեց տեսահոլովակի?

Երբ ես ձայնագրում էի իմ նոր ձայնասկավառակը, ծանոթացա «Gipsy Kings» խմբի անդամներից մեկի հետ, ով էլ ինձ օգնեց վերջնական տարբերակի հասցնել տվյալ երգը: Եվ քանի որ «Для моей любви» երգը բավական սիրվեց, որոշեցի տեսահոլովակ նկարահանել հենց այս ստեղծագործության հիման վրա: Պետք է նշեմ, որ այն բավական հայտնի է հատկապես Ռուսաստանում, քանի որ բազմիցս եմ լսել կարծիքներ և անգամ եթե հետևեք մեկնաբանություններին, ապա կարծում եմ, որ կհամոզվեք իմ խոսքերում: Եվ ասեմ, որ շուտով պատրաստ կլինի նաև «Gipsy Kings» խմբի տղաներից մեկի հետ իմ ռուսական-իսպանական առաջին զուգերգը, որը որ արդեն կլինի մեր համատեղ երկրորդ համագործակցությունը:

«Для моей любви» երգը կարծես թե մի փոքր տարբերվում է մյուսներից, քանի որ նրա մեջ գերակշռում են արևելյան մելիզմները, որոնք մեր լսողների գերակշռող մասի մոտ չեն ընդունվում և արժանանում են քննադատությունների: Արդյո՞ք մտահոգություն չունեիք, որ նույնպես կդառնաք նման խոսակցությունների մի մասնիկը և որ կարժանանք քննադատությունների` հատկապես այն դեպքում, երբ երաժշտության հեղինակն ինքներդ եք:

Ինչ կապված է քննադատության հետ, ասեմ, որ ես չեմ վախենում, ավելին, պատրաստ եմ լսել դրանք: Ինչպես ասում են, երաժշտությունն ունի իր լեզուն և ոչ մի դեպքում ես չեմ փորձում երաժշտությամբ ինչ-որ մեկին մի բան հասկացնել կամ ապացուցել: Այս երգի մեջ կա այն ամենը, ինչ ես զգացել և պատկերացրել եմ այդ պահին: «Для моей любви»-ն ավելի շատ էստրադայի և արևելքի խառնուրդ է: Հպարտ եմ, որ ես հայ եմ և ինքս էլ կտրականապես դեմ եմ այն ամենին, ինչն այդքան քննադատվում է և ինչի ներքո հենց այդ նույն քննադատողները յուրաքանչյուր առիթի ժամանակ պարում և ուրախանում են: Ես փորձում եմ ստեղծել օրիգինալ ինչ-որ մի բան, եթե դրա հնարավորությունն ունեմ: Շուտով արդեն պատրաստ կլինեն իմ նոր հայալեզու երգերը, որոնք կներկայացնեմ իմ երկրպագուների դատին և որոնցից մեկի պրեմիերան կկայանա հոկտեմբերի 25-ին Tashi-Show-ի ժամանակ: Ամենամեծ ցանկությունս այն է, որ իմ երաժշտական կեսնագրության մեջ նշված լինեն նաև հենց հայկական երգերը:

Չթերագնահատելով մեր մասնագետներին` պետք է նշենք, որ գաղտնիք չէ այն, որ ԱՄՆ-ում բոլոր առումներով հնարավորությունները մի փոքր այլ են: Հետաքրքիր է` հաշվի առնելով այս ամենը, այնուամենայնիվ, ինչո՞ւ ձեր որոշումը կանգնեց հենց Հայաստանի վրա` մանավանդ այն դեպքում, երբ ձեր սեփական հնարավորություններն էլ ձեզ թույլ կտային իրականություն դարձնել այդ ամենը:

Նախևառաջ ասեմ, որ Միացյալ Նահանգներում արդեն իսկ փորձ ունեցել եմ նկարահանել տեսահոլովակ` աշխատելով հայ ռեժիսորների հետ: Բայց ինչ-ինչ պատճառներով, որոնք ես նշել չեմ կարողանա, պետք է ասեմ, որ դրանց վերջնական արդյունքն ինձ այդքան էլ չի գոհացրել, նույնիսկ եղել են դեպքեր, երբ տեսահոլովակի հաջող չլինելու պատճառով տուժել է նաև երգը: Պատճառը միայն դա է: Ես շատ ուրախ եմ և վստահ կարող եմ ասել, որ ի տարբերություն հարավային Կովկասի մասնագետների` այսօր մեր հայ ռեժիսորները, գործիքավորողները շատ ավելի հզոր և փարձառու են:

Վերջերս Լոս-Անջելեսում, կարելի է ասել, մեծ շուքով կայացավ «Ты в моей душе» տեսահոլովակի շնորհանդեսը: Ինչո՞ւ նույնը չի կազմակերպվում նաև Հայաստանում, մանավանդ  որ արդեն պատրաստ է ձեր նոր տեսահոլովակը:

Մեծ հույս ունեմ, որ իմ առաջին հայկական ձայնասկավառակի շնորհանդեսը տեղի կունենա հենց Հայաստանում: Դա իմ նպատակն է, որը, կարծում եմ, մյուս տարի իրականություն կդառնա: 

Վերջին շրջանում հաճախ եք ճանապարհորդում և հատկապես  ԱՄՆ-Հայաստան «խաչմերուկներում» կարելի է ձեզ տեսնել: Հրավերներ, միջոցառումներ… էլ ի՞նչ առիթով կարելի է ձեզ տեսնել այստեղ:

Մեծամասնությունը գործնական այցեր են: Նշեմ, որ այս տարվա մեջ սա արդեն 5-րդ անգամն է, որ Հայաստանում եմ: Այն ընթացքում, երբ այստեղ եմ լինում, փորձում եմ հնարավորինս ավարտին հասցնել իմ բոլոր գործերը և հանդիպել իմ մտերիմ ընկերներին:

Ամիսներ առաջ «Փոփ Արտ» հաղորդման շրջանակներում նշել էիք, որ արդեն իսկ կա մեկը, ով կարողացել է գրավել ձեր սիրտը: Արդյո՞ք այս պահի դրությամբ որևէ լուրջ առաջընթաց կա ձեր անձնական կյանքում:

Դեռևս ոչ (կրկին ծիծաղում է): Բայց վստահեցնեմ, որ երբ այդ օրը գա և ես հասկանամ, որ հենց նա է այն միակը, ում ես փնտրում էի, բոլորը կտեղեկանան դրա մասին: Ես ինքս մեծ ցանկություն ունեմ, որ հնարավորինս շուտ գա այդ օրը, քանի որ ես երջանիկ և ուրախ մարդ եմ իմ կյանքում և ցանկություն ունեմ ստեղծել իմ ընտանիքը և վայելել այս կարճ կյանքը:

Դիտեք Կարեն Բոքսյանի հարցազրույցները նաև Asekose.am«Փոփ Արտ» և «Բացարձակ արժեք» հաղորդումների շրջանակներում:


Հեղինակ` Սաթենիկ Խաչատրյան







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.