Նոր մանրամասներ են հայտնի դարձել ԽՍՀՄ ժողովրդական արտիստ 82-ամյա Արմեն Ջիգարխանյանի և նրա երիտասարդ կնոջ` Վիտալինա Ցիմբալյուկ-Ռոմանովսկայայի սկանդալային ամուսնալուծությունից: Անդրեյ Մալախովը «Սթարհիթ» ամսագրում հոդված է հրապարակել, որում տեղի ունեցածի հետ կապված հետաքրքիր վարկած է առաջ քաշել: Նրա խոսքով` պարզվել է, որ դերասանի շրջապատում հայտնվել են նոր հայ ընկերներ, ովքեր Վիտալինային մոտ չեն թողնում Ջիգարխանյանին, իսկ կնոջ չհրկիզվող պահարանից անհետացել է կտակը, ըստ որի` Ջիգարխանյանի շարժական ու անշարժ ողջ ունեցվածքն անցնելու էր Վիտալինային:
Իրավիճակին ծանոթ հոգեբանը ենթադրել է, որ 82-ամյա արտիստը կարող է գտնվել նեյրոլեզվաբանական ծրագրավորման ազդեցության տակ:
Մալախովի խոսքով` Ջիգարխանյանին կարող էին հիպնոսացնել նրա հայ ընկերները:
«Այդ իսկ պատճառով Ջիգարխանյանի թատրոնում հայտնվել են հաշիվներ, որոնց միջոցով, իբր, փողեր են լվանում: Այդ փաստի ուսումնասիրությամբ արդեն զբաղվում են դատախազության աշխատակիցները»,- ենթադրել է հեռուստահաղորդավարը:
Հիշեցնենք, որ ավելի վաղ Արմեն Ջիգարխանյանը ոստիկանությունում հաղորդում է տվել` կնոջ՝ դաշնակահարուհի Վիտալինա Ցիմբալյուկ-Ռոմանովսկայային մեղադրելով իրեն սպանելու փորձի համար: Ռուսական առաջին ալիքի եթերում դերասանն ասել է. «Այդ կինը` Վիտալինան, ինձ անարդար ձևով շատ մեծ ցավ է պատճառել: Ես այս պահին պատրաստ չեմ նրան ներելու: Վստահ ասում եմ` ոչ: Նա իրեն ճղճիմ ձևով է պահել, նա գող է, այլ ոչ թե մարդ»,- ասել է Ջիգարխանյանը;
Կարդացեք նաև` Վիտալինան ցանկանում էր երեխա ունենալ, իսկ ես դեմ էի. Արմեն Ջիգարխանյանի նոր բացահայտումները
Հնարավոր է՝ կյանքս այսքանով վերջանա. Ջիգարխանյանը սիրելո՞վ է հրաժարվում կնոջից, թե՞ ատելով
Նա գող է, այլ ոչ թե մարդ. Արմեն Ջիգարխանյանը պատմել է ողջ ճշմարտությունը կնոջ հետ կոնֆլիկտի մասին
Արմեն Ջիգարխանյանի բացառիկ հարցազրույցը՝ ռուսական «Пусть говорят» հաղորդմանը
Արմեն Ջիգարխանյանի երիտասարդ կինը խախտել է լռությունը․ բացառիկ հարցազրույց՝ նոր բացահայտումներով
