ՀՀԿ խորհրդի անդամ Գեղամ Պետրոսյանը ֆեյսբուքյան իր էջում գրառում է կատարել, որով պատասխանել ԱԺ «Ելք» դաշինքի պատգամավոր Ալեն Սիմոնյանի գրառմանը՝ ուղղված ԱԺ փոխնախագահ Էդուարդ Շարմազանովին:
Գրառման մեջ մասնավորապես ասվում է.
«Պարոն Ալեն Սիմոնյան, կարդացի Ձեր անհաջող արձագանքը պարոն Շարմազանովի հայտարարությանը: Երկու օր ամբողջ ՔՊ-ով հավաքվել ու էլի չեք կարողացել նորմալ բան գրեք։ Չեք կարող, քանի որ բացի վիրավորական ու աննպատակ զգացմունքային գնահատականերից, այլ բանի ընդունակ չեք:
Վա՜յ, մոռացել էի, մի բան դեռ կարող եք. պարոն Սիմոնյան, հիշե՛ք՝ ամենամեծ գործը, որին դուք ունակ եք քաղաքականության մեջ, դա Կառայի… էէէ… Կարգին Հայկոյի ընտրարշավի փիառով զբաղվելն է։
Ձեզ հաջողություն եմ մաղթում, զբաղվե՛ք դերասանությամբ։ Իսկ լուրջ հարցերից խոսելը Ձեր խելքի բանը չէ, առավել ևս Շարմազանովին արձագանքելը։
Հ.Գ. – Իսկ վերջում մեկ խորհուրդ հին հույներից՝ «Լավագույն խորհրդատուն ժամանակն է»: Ժամանակն ամեն ինչ իր տեղը կդնի, մի՛ շտապեք ոգևորվել, պարոն Սիմոնյան»:
