ՀՀ ՆԳՆ ոստիկանության Նոր Նորքի բաժնում օպերատիվ տեղեկություններ են ստացվել, որ հուլիսի 6-ին «Արթմեդ» բժշկական կենտրոնում բուժառու է մահացել: Ինչպես հայտնում է ֆոտոլրագրող Գագիկ Շամշյանը, ոստիկաններն ու քննիչները պարզել են, որ մահացածը Երևանի բնակիչ 32-ամյա Լիանա Ս-ն է: Ֆոտոլրագրողի տեղեկություններով՝ վերջինը հուլիսի 5-ին նշված բժշկական կենտրոնում քթի շրջանում վիրահատության է ենթարկվել և այդ ժամանակ էլ մահացել է: Նա Հայաստան էր վերադարձել Ռուսաստանի Դաշնությունից՝ վիրահատվելու համար: Դեպքի փաստով ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում «բուժաշխատողի կողմից մասնագիտական պարտականությունները չկատարելը» հատկանիշով նախաձեռնվել է քրեական վարույթ: *** Panorama.am-ի հետ զրույցում «Արթմեդ» ԲԿ փոխտնօրեն Արայիկ Ղարիբյանն ասաց, կինն ունեցել է չարորակ հիպերթերմիա, ինչի հետևանքով մահացել է։ «Դեպքը բժշկի սխալի հետևանք չէ։ Միակ դեպքն է, որ կենտրոնում քթի վիրահատության ընթացքում մահվան դեպք է գրանցվել։ Պատճառը եղել է չարորակ հիպերթերմիան, երբ մարդու մարմնի մարմնի ջերմաստիճանը միանգամից բարձրանում է 42-43 աստիճան։ Դա գենետիկ հիվանդություն է՝ քրոմոսոնի հետ կապված, որը կարող է դրսևորվել երկրորդ կամ երրորդ նարկոզի ժամանակ»,-ասաց Ա. Ղարիբյանը։ ԲԿ փոխտնօրենի խոսքով, այս խնդիրը նախօրոք պարզել հնարավոր չէ։ Ղարիբյանի խոսքով, կինը չի նշել, որ նախկինում էլ անզգայացում է ունեցել կամ որ դրա ընթացքում խնդիրներ են առաջացել։ «Ինքը եկել է, պրոտոկոլով բոլոր հետազոտություններն անցել է։ Վիրահատության վերջում հիվանդությունը դրսևորվել է։ Անհրաժեշտ դեղորայք, պրոցեդուրաներն արվել են, բայց ցավոք սրտի, նա մահացավ։ Այս հիվանդության ժամանակ մահվան ելքը 80 տոկոս է»,-ասաց ԲԿ փոխտնօրենը՝ ավելացնելով, որ այս պահին դեպքի վերաբերյալ տեղեկանք են պատրաստում առողջապահության նախարարություն ներկայացնելու համար։ |
32-ամյա կինը քթի վիրահատության ժամանակ մահացել է
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Tweet
Պատահարներ далее
![Գեղարքունիքում կնոջը հրավիրել են ամառանոց, որտեղ փորձել են բռնաբարել․ հնչել են կրակոցներ](http://asekose.am/upload/news/admin/2012/09/504ddcdf50d61_medium.jpg)
далее
![59-ամյա տղամարդը սեռական ոտնձգություն է կատարել 21-ամյա աղջկա նկատմամաբ](http://asekose.am/upload/news/admin/2012/09/5053360933e57_medium.jpg)
далее
![«Զվարթնոց»-ի «VIP» ժամանած «Toyota Camry»-ում հայտնաբերվել է ատրճանակ․ ձերբակալվածների մեջ է «Շահումյան-գազ»-ի տնօրենը](http://asekose.am/filemanager/uploads/odanavakayan.jpg)
далее
![Կրկին կրակոցներ Երևանում. 29-ամյա երիտասարդը վիրավոր է](http://asekose.am/filemanager/uploads/2019/08/week-3/krakoc.jpg)
далее
![1 զոհ, 4 վիրավոր․ ողբերգական ավտովթար՝ Սևանում․ իրար են բախվել «Opel Zafira»-ն ու «DAF» բեռնատարը](http://asekose.am/upload/news/admin/2012/11/50918627d1f96_medium.jpg)
далее
![Ամուսինը մահացած է գտել 36-ամյա կնոջը. կողքին` ատրճանակ](http://asekose.am/upload/news/admin/2015/07/55ae4fcb3b74c_medium.jpg)
далее