Ավարտելով աշխատանքը Հանրային հեռարձակողի խորհրդում՝ Հանրային հեռուստաընկերության գործադիր տնօրենի առաջարկով Նարա Շլեպչյանը կզբաղեցնի տնօրենի խորհրդականի պաշտոնը:

Այս մասին հայտնում են Հանրային հեռուստաընկերությունից։

«Վստահ ենք, որ հայկական հեռուստատեսության առաջին հաղորդավարի ներդրումն ու խորհուրդները կնպաստեն Առաջին ալիքի զարգացմանն ու հեռուստատեսության ավանդույթները լավագույնս պահպանելուն:

Շնորհավորում ենք և մաղթում բարի երթ»,-ասվում է հաղորդագրությունում:

Նշենք, որ Նարա Շլեպչյանը 88 տարեկան է: Ծնվել է 1935-ի փետրվարի 23-ին: