Ադրբեջանի ռադիոյի և հեռուստատեսության ազգային խորհուրդն իր բողոքն է հայտնել ANS ÇM ռադիոկայանին` «Qafqaz top 20» երաժշտական ծրագրի շրջանակներում հայկական երգեր հնչեցնելու և «քարոզելու» կապակցությամբ:
Այս մասին APA լրատվական գործակալությանը հայտնել է խորհրդի նախագահ Նուշիվարան Մաղերամլին: Նրա խոսքով` իրենց աշխատակցին հանձնարարվել է այս հարցով կապ հաստատել ռադիոկայանի ղեկավարության հետ.
«Ես հանձնարարեցի պարզել այդ հարցը և թույլ չտալ նման հեռարձակում, քանի որ դա մարդկանց զգացմունքների հետ է խաղում: Ցավոք, ANS ÇM-ի պատասխանը մեծ ափսոսանք է հարուցում»,-ասել է Մաղերամլին` հավելելով.
«ANS ÇM-ի ղեկավարության «Մշակույթը սահմաններ չունի» տրամաբանությունը սխալ է: Նման տրամաբանությամբ ուրեմն կարելի է Ադրբեջանում հայկական ֆիլմեր ցուցադրել, վաճառել հայկական ապրանքներ, անցկացնել նրանց նկարիչների ցուցահանդեսները»:
