Օրերս ՀՀ Ազգային անվտանգության ծառայությունը մայրաքաղաքում բացահայտել է կազմակերպված խումբ, ովքեր զբաղվել են շորթմամբ։ Ինչպես հայտնում է ֆոտոլրագրող Գագիկ Շամշյանը, ԱԱԾ-ում հարուցվել է քրեական գործ և այդ քրեական գործի շրջանակում որպես մեղադրյալ է ներգրավվել Արմեն Ն-ն։ Վերջինս հանրորեն վտանգավոր արարքներ կատարելու համար է մեղադրվում։ Արմեն Ն-ն տարբեր անձանցից հափշտակել է թանկարժեք ավտոմեքենաներ և դրանք տերերին վերադարձնելու համար գումարներ է շորթել, ապա այն ժողովրդի լեզվով ասած «վազվռատ անելու նպատակով» Հարություն Ս-ի կողմից ստեղծված հանցավոր խմբի հետ մի քանի հոգով մենակ 1 տարվա ընթացքում՝ 2006-2007 թթ. հափշտակել են 28 հատ ավտոմեքենա։ Դրանից հետո հանցավոր խմբի մյուս անդամները կապի մեջ են դուրս ելել տուժողների հետ և 1000-4000 ԱՄՆ դոլար գումարի դիմաց մեքենաները վերադարձրել են տերերին։ Եթե եղել են հափշտակված ավտոմեքենաների տերեր, ովքեր գումարը հրաժարվել են վճարելուց, ապա հանցավոր խմբի անդամների կողմից հրկիզման եղանակով մեքենաները ոչնչացրել են։