Հենց նոր խոսեցի Արևշատ համայնքի ղեկավարի հետ և խնդրեցի պատից հեռացնել վարչապետի լուսանկարը։ Այդ մասին ֆեյսբուքյան էջում գրառել է արել «Քաղաքացիական պայմանագիր» կուսակցության մամուլի խոսնակ Վահան Կոստանյանը:
«Մեր քաղաքական թիմի համար անընդունելի են հին Հայաստանում գործած արատավոր ավանդույթները։ ՀՀ պաշտոնյաների աշխատասենյակներում պատից կարող է կախված լինել միայն ՀՀ զինանշանը»,-գրել է նա:
Հիշեցնենք, որ տեղեկատվություն էր հայտնվել, որ Շիրակի մարզի Արևշատ համայնքի ղեկավար Սայադ Խաչատրյանը ՀՀ երրորդ նախագահ, պաշտոնաթող վարչապետ Սերժ Սարգսյանի լուսանկարը փոխարինել է Նիկոլ Փաշինյանի լուսանկարով:
