Արթուր Վանեցյանի հայտարարությունը, թե մենք այլեւս ընկերներ չենք, անսպասելի էր, որովհետեւ դա իր կողմից շատ մեծ սխալ էր: Այս մասին այսօր լրագրողների հետ զրույցում ասաց ԱԺ փոխնախագահ, «Իմ քայլը» խմբակցության պատգամավոր Ալեն Սիմոնյանը:
«Արթուր Վանեցյանը 25 րոպեանոց հարցազրույցից իր համար ամենակարեւորը գտել էր, թե ինչից էր բռնել ինձ Հրայր Թովմասյանը: Ես կարծում եմ, որ դա լեզվամտածելակերպ է թե՛ նրա մոտ, թե՛ մնացած բոլոր այն մարդկանց մոտ, որոնք միայն դրա մասին են խոսում»,-ասաց Սիմոնյանը:
