Ոստիկանության կենտրոնական բաժնի հետաքննչական վարչությունում նյութեր են նախապատրաստվում երեկ՝ ապրիլի 2-ին, Երևանում հայտնաբերված թմրանյութերի փաստով:
Ժամը 01:00-ի սահմաններում ոստիկանության Երևան քաղաքի վարչության ՊՊԾ գնդի 3-րդ հատուկ գումարտակի ծառայողները Չարենցի փողոցում գործող «Արամե» ակումբի մոտից թմրամիջոց պահելու և օգտագործելու կասկածանքով ոստիկանության Մարաշի բաժանմունք են բերման ենթարկել 2 քաղաքացու:
shamshyan.com-ն է գրում այս մասին ու նշում, որ նրանք են՝ Երևանի բնակիչ, 28-ամյա Արամ Աբրահամյանը և Աբովյան քաղաքի բնակիչ, 23-ամյա Հրայր Ստեփանյանը:
Գ. Շամշյանի տեղեկություններով՝ Հ. Ստեփանյանի մոտ հայտնաբերվել է մեկ կաթուցիցչ որի մեջ եղել է ընդհանուր 2.85 գ դեղնականաչավուն զանգված:
Հ. Ստեփանյանը հայտնել է, որ հայտնաբերվածը հանդիսանում է թմրանյութ և այն պատկանում է իրեն՝ իր օգտագործման համար է:
Հ. Ստեփանյանն ու Ա. Աբրահամյանը բաց են թողնվել:
Գ. Շամշյանի տեղեկություններով՝ Ա. Աբրահամյանն աշխատում է «Լավաշ» ռեստորանային համալիրում՝ բարմեն, իսկ Հ. Ստեփանյանը՝ նույն ռեստորանային համալիրում ՝ բարմեն-մատուցող:
Կայքի տեղեկություններով՝ նրանցից մեկի մականունը «Փախլավա» է, մյուսինը՝ «Գաթա»:
