«Ինտերֆաքս Ադրբեջան»-ը հայտնում է, որ հայկական կողմին պաշտոնական առաջարկ է արվել փոխանակել երկու կողմում ձերբակալված անձանց «բոլորին բոլորի դիմաց» սկզբունքով:
Ըստ աղբյուրի, ադրբեջանական կողմը նաև առաջարկել է բոլորին-բոլորով ձևաչափը կիրառել նաև ապագայում, սակայն Երևանի արձագանքը դեռ չկա:
Ադրբեջանում ներկա պահին պահվում է ՀՀ 3 քաղաքացի՝ Արսեն Բաղդասարյանը, Կարեն Ղազարյանը և Զավեն Կարապետյանը։ Պաշտոնական Բաքուն նրանց ներկայացնում է որպես լրտեսներ ու հանցագործներ:
Հայկական կողմում պահվում են ադրբեջանցի դիվերսանտներ Դիլհամ Ասկերովը և Շահբազ Գուլիևը, ովքեր դատապարտվել են համապատասխանաբար ցմահ և 22 տարվա ազատազրկման՝ 2014թ. հուլիսին ԼՂՀ պետական սահմանն ապօրինի հատելու, լրտեսության, ապօրինի կերպով հրազեն և ռազմամթերք կրելու, մարդուն բացահայտ առևանգելու և սպանության համար:
