ԱԺ-ն ձայների 111 կողմ և 2 դեմ հարաբերակցությամբ  ընդունեց «Կրթության մասին» Հայաստանի Հանրապետության օրենքում փոփոխություններ կատարելու մասին օրենքի նախագիծը։

Օրինագիծը հեղինակել էր ԲՀԿ խմբակցության պատգամավոր Տիգրան Ուրիխանյանը: Ըստ նախագծի՝ բուհերի ուսանողները հնարավորություն կստանան ուսման վարձերը վճարել ոչ թե կիսամյակային կտրվածքով, այլ՝ ամեն ամիս:

«Նախագծի ընդունումը հնարավորություն կտա որոշակիորեն մեղմել վճարովի համակարգում սովորող ուսանողների ուսման վարձի վճարման հետ կապված ֆինանսական դժվարությունները»,- իր ելույթում նշեց Տիգրան Ուրիխանյանը:

2-րդ ընթերցմամբ և ամբողջությամբ ընդունվեց նաև ԼՀԿ խմբակցության ներկայացրած օրինագիծը, որով երկարացվում է զինծառայությունից խուսափած, 27 տարին լրացած անձանց ներելու, օրենքով սահմանված գումարը վճարելու և հայրենիք վերադառնալու ժամկետը։

Կարդացեք նաև՝ Նոր օրենքով տարաժամկետվում է բուհերում ուսման վարձի վճարումը. Ուրիխանյանի առաջարկն ընդունվեց