Մայիսի 13-ին, վիճաբանություն-ծեծկռտուք է տեղի ունեցել Երևանում: Այս մասին հայտնում է ֆոտոլրագրող Գագիկ Շամշյանը:
Ժամը 21:30-ի սահմաններում ոստիկանության Մալաթիայի բաժին ահազանգ է ստացվել, որ Լուկաշինի փողոցում մի խումբ երիտասարդների միջև վիճաբանություն և ծեծկռտուք է տեղի ունենում:
Դեպքի վայրում հավաքված մի քանի քաղաքացիներ ասել են, որ ավտոմեքենաների թեթև բախումը վերածվել է վիճաբանություն-ծեծկռտուքի:
Դեպքի վայրում աշխատում էին ոստիկանության Մալաթիայի բաժնի հետաքննչական բաժանմունքի հետաքննիչները: Հետաքննչական բաժանմունքում էլ նյութեր են նախապատրաստվում: Դեպքի վայր էին ժամանել մեծ թվով «կարմիր բերետավորներ»:
