Արդարադատության նախկին նախարար, ԲԴԽ նախկին անդամ Գևորգ Դանիելյանը ֆեյսբուքյան իր էջում գրում է.
«Ընդամենը 3 օր առաջ էի գրել, որ որոշ քաղաքական ու պետական գործիչների մոտ, անգամ քննադատության պարագայում, անթաքույց նկատվում են անհարկի ջղաձգումներ, բայց մտքովս չէր անցնի, որ այսօր արդեն այդպիսի գրառումը, հայտնի գործչի ջանքերով, անհամարժեք, իմաստազուրկ ու ժամանակավրեպ կընկալվի: Ինքս չեմ պատրաստվում Արփինե Հովհաննիսյանին պաշտպանության տակ առնել, քանզի ողջամտորեն նա դրա կարիքը չունի: Ի դեպ, հոգեբանները պնդում են, որ չհասկացվածությունն ամեն հինգերորդ մարդու մոտ հանգեցնում է ընկճախտի՝ իր բոլոր դրսևորումներով ...»
