«Սարսափելին միայն էն չի, որ Ռուսաստանի նախաձեռնությունները կապկելուց զատ ուրիշ ոչինչի ընդունակ չեք, սարսափելին էն է, որ էդ կապկելն էլ եք գավառացու նման անում: Ռուսների նախաձեռնությունը "Цифровая Россия" է կոչվում, այ տգետներ, և ոչ թե "Числовая Россия": "Թվային Հայաստանի" ու "Թվանշային Հայաստանի" տարբերությունն էլ չեք հասկանում, այ թշվառականներ...Չնայած ձեզ համար ի°նչ տարբերություն...»,-գրել է Հիմնադիր խորհրդարանի նախագահ, Տեղեկատվական տեխնոլոգիաների հիմնադրամի նախկին նախագահ Գարեգին Չուքասզյանը ֆեյսբուքյան իր էջում՝ անդրադառնալով կառավարության լուրին, ըստ որի  ՏՏ ընկերությունների ներկայացուցիչների հետ հանդիպմանը վարչապետ Կարեն Կարապետյանն անդրադարձ է կատարել նորաստեղծ «Թվային Հայաստան» հիմնադրամի համակարգող գործառույթներին՝ թվային օրակարգի ձեւավորման եւ հետագա իրականացման գործում ընկերությունների մասնակցության համատեքստում: