Թուրքիայի վարչապետ Ահմեթ Դավութօղլուն Ադրբեջան մեկնելուց առաջ օդանավակայանում տված ասուլիսի ժամանակ խոսել է նաև Լեռնային Ղարաբաղի հարցի շուրջ:
Վերջինս նշել է, որ իրենք Ադրբեջանի կողքին են լինելու «հողերը հետ ստանալու հարցում»:
«Ադրբեջանի օկուպացված հողերի, այդ թվում Լեռնային Ղարաբաղի հարցում մեր դիրքորոշումը պարզ է և բացահայտ: Թուրքիան Ադրբեջանի կողքին է միջազգային իրավունքի տեսանկյունից Ադրբեջանին պատկանող բոլոր հողերի ազատագրման հարցում»,- ասել է Թուրքիայի վարչապետը:
Թուրքական «հaberler.com» կայքը տեղեկացնում է նաև, որ Դավութօղլուն Ադրբեջան կատարած 1-օրյա այցի շրջանակներում կհանդիպի այդ երկրի նախագահ Իլհամ Ալիևի և վարչապետ Արթուր Ռասիզադեի հետ:
Աղբյուր` Ermenihaber
