ՀՀ վարչապետն այսօր հանդիպում է ունեցել Վիրահայոց թեմի Հայարտուն կենտրոնում: Ներկաներից մեկը՝ Աջարիայի հայ համայնքի մամուլի քարտուղար Արթուր Հովհաննիսյանից հետաքրքրվել է Կարեն Կարապետյանից, թե արդյո՞ք հայկական կողմը շահագրգված է, որ «մենք Երևանից Ջավախքով Բաթումի հասնենք 5 ժամում». այս մասին խոսվում է տարիներով, սակայն «քարավանը տեղից չի շարժվում»:
«Օրինակ, եթե ես պատասխանեմ՝ շահագրգռված չեմ, դուք իմ ուղեղային կարողությունների մասին կարծիք կկազմեիք չէ՞...եթե շահագրգռված եմ՝ Ձեր հաջորդ հարցը լինե՞լու է ՝ ինչու՞ երեկ ափալ-թափալ չեք արել, էդ հարցը չեք քննարկել»,- պատասխանել է Կարեն Կարապետյանն ու հավելելով՝«եկեք մեր ջեբի լոբիները հաշվենք ...»՝ պարզաբանել է, որ այդ հարցը կարևոր է նաև հակառակ ուղղությամբ՝ զբոսաշրջիկներ դեպի Հայաստան ներգրավելու առումով և աշխատանքներ տարվում են, առկա խնդիրներն ուսումնասիրվում են: