Երեկ՝ մարտի 12-ին, ավտոմեքենայի հրկիզման դեպք է տեղի ունեցել Երևանում։ Ժամը 02։50-ի սահմաններում ՀՀ ՆԳՆ փրկարար ծառայություն ահազանգ է ստացվել, որ Նիկողայոս Տիգրանյան փողոցում ավտոմեքենաներ են այրվում։ Ինչպես հայտնում է Գագիկ Շամշյանը, պարզվել է, որ հրդեհը բռնկվել է կայանված «Cadillac Escalade» մակնիշի ավտոմեքենայում: Կրակը տարածվել ու վնասել է հարևանությամբ կայանված «Toyota Prius» մակնիշի ավտոմեքենան։ Ֆոտոլրագրողի տեղեկություններով՝ «Cadillac Escalade»-ը պատկանում է Երևանի բնակիչ 35-ամյա Արման Ա-ին, ով քրեական աշխարհում հայտնի է «Թլոշ» Արման մականվամբ և իրավապահները ունեն կասկածներ, որ հրկիզել են ավտոմեքենան։