Հանրահավաքին գնացողների մեծ մասը Ծառուկյանի իմպերիայի աշխատակիցներն են լինելու։ Խոսելով հոկտեմբերի 8-ին նախատեսված հանրահավաքի մասին՝ տեսակետ էր հայտնել իմքայլական պատգամավոր Հովիկ Աղազարյանը։ «Եթե ԲՀԿ-ի հավաքը հաջողություն ունենա՝ միջին օղակում սաբոտաժ անողները կավելանան։ Իսկ եթե հաջողություն չունենա՝ այդ մարդկանց թիվը կնվազի»,- ասել էր պատգամավորը:
Դատարանի բակում լրագրողների հետ զրույցում անդրադառնալով Աղազարյանի հայտարարությանը, ԲՀԿ-ական Նաիրա Զոհրաբյանն ասաց. «Ես Հովիկ Աղազարյանի կենսագրությունը եթե ունենայի, ամոթից կլռեի... Իրենք անցել են կարմիր բոլոր գծերը, իրենց անիմաստ է հորդորելը կամ կոչ անելը: Չկա բարոյականության որևէ գիծ, որ անցած չլինեն»:
