Տիրում է տոնական տրամադրություն, դե իսկ վերջին շաբաթներին հանրապետությունում առկա բարձր ջերմաստիճանը կրկնակի ուրախություն է պարգևում, քանի որ ոմանք տնտեսում, իսկ ոմանք էլ հավելյալ պարտքեր չեն կուտակում տների և այլ տարածքների ջեռուցման համար:
Այսպիսի բնակլիմայական պայմանները միայն առաջին հայացքից են օգտակար: Եթե վերլուծենք ստեղծված իրավիճակը գյուղատնտեսության տեսանկյունից, ապա կտեսնենք, որ այս եղանակը կորստաբեր ազդեցություն կարող է թողնել վերջինիս վրա:
Դրսում տիրում է վաղ գարնանային եղանակ, ինչը կարող է առիթ հանդիսանալ ծառերի վաղաժամ «արթնանալու» և զարգացման համար: Փորձը ցույց է տալին, որ ձմռան ավարտին հիմնական դեպքերում լինում է ջերմաստիճանի զգալի անկում: Այսպիսի մի օրինակ ունեցանք անցյալ տարվա գարնանը, երբ ոչնչացավ ծիրանի բերքի 90%-ը, իսկ մնացած մշակաբույսերն ու ծառերը զգալի վնասներ կրեցին:
Բացի վերը նշված հանգամանքից, ձյան բացակայությունը նույնպես բացասական հետևանքներ կարող է թողնել, քանի որ ինչպես գիտենք ձյունը ցրտահարությունից պաշտպանում է աշնանացանի եղանակով աճեցվող բույսերի և մի շարք հատապտուղների, ինչպես նաև խաղողի վազերի ճյուղերն ու արմատները: Ձյան օգտակարությունը այսքանով չի ավարտվում: Այն իր գարնանային հալոցքի ժամանակ առատ ոռոգում է մշակաբույսերը:
Այսինքն ինչ է ստացվում, այս տարի ձմեռը մեզ ուրախացնում է իր տաք եղանակով, որը սակայն բացասական հետևանքեր կարող է ունենալ գյուղատնտեսության վրա: Հուսանք, որ եղանակները կկարգավորվեն այնպես, որ մարդկանց գրպաններին շատ «չվնասելով» չի վնասի նաև բնությանը:
