«Դեկտեմբերի 6-ին ժողովուրդը ջախջախիչ հաղթանակ կտանի ու «Ոչ» կասի սահմանադրական փոփոխություններին, որովհետև իշխանության և հասարակության հարաբերությունների մասին ոչ մի խոսք չկա: Խոսքը այն մասին է, թե ինչպես է բաժանվելու կարկանդակը»,-այսօր՝ լրագրողների հետ հանդիպման ժամանակ ասաց Գերագույն խորհրդի նախկին պատգամավոր Ազատ Արշակյանը:
Նրա խոսքով՝ երկրին իշխանափոխություն է անհրաժեշտ.
«Բոլոր իշխանությունները, երբ որ մի քիչ շատ են մնում, ինչպես ասում են ականազերծողները, կորցնում են իրենց զգոնությունը»:
Ազատ Արշակյանն անդրադարձավ նաև Ռուսաստանի հայերի միության նախագահի՝ կուսակցություն հիմնելու մտադրությանն, այսօր ասաց. «Արա Աբրահամյանը բանասիրական ֆակուլտետ ընդունվելու հայտ չի ներկայացրել, այլ Հայաստանի ներքաղաքական կյանք մտնելու: Սպասենք մինչև գարուն, տեսնենք՝ ինչ կլինի»,-նշեց նա:
Անի Կարապետյան
