ՀՀ փոխվարչապետ Տիգրան Ավինյանը ֆբ-յան իր էջում գրել է.

Վաղը Երևանում կմեկնարկի Տեղեկատվական տեխնոլոգիաների 23-րդ համաշխարհային համաժողովը՝ #WCIT2019 : Համաժողովը մի հարկի տակ է հավաքելու 70 երկրից ժամանած ավելի քան 2500 գլոբալ առաջնորդների, մտածողների, նորարարների, քաղաքական գործինչերի, հետազոտողների, ինչպես նաև արվեստի ու շոու-բիզնեսի գերաստղերի։

Այն, որ մենք հյուրընկալում ենք ՏՏ ոլորտի ամենահեղինակավոր միջոցառումներից մեկը, նշանակում է, որ Հայաստանը լուրջ հայտ է ներկայացնում բարձր տեխնոլոգիաների և նորարարության աշխարհի առաջատար երկրների շարքում իր արժանի տեղը գրավելու համար։