Շիրակի մարզի Իսահակյան (նախկին Ղազարապատ) գյուղի բնակիչ, հայկական գամփռի և կովկասյան հովվաշան սիրահար ու մասնագետ Արմենի մասին մենք պատահական իմացանք: Նրա հետ հանդիպման ժամանակ ծնվեց «Շիրակ կենտրոնի» տեսանյութը իր եւ իր շների մասին: Մեզ գերել էր Արմենի նվիրվածությունը հատկապես հայկական շնատեսակի բուծման և այդ տեսակը կորստից փրկելու գործին:
Ներկայացվող տեսանյութում շիրակցի շնաբույծ Արմեն Սիմոնյանը խոսում է ավանդական շնատեսակների բազմացման և հատկապես ոչխարների հոտերը շների միջոցով գայլերից պաշտպանելու կարևորության մասին:
