Այսօր՝ հունիսի 22-ին, վրաերթ է տեղի ունեցել Երևանում։ Ժամը 11։50-ի սահմաններում Երևանի ճանապարհային ոստիկնության պահպանվող հատուկ տարածքում փորձարարության ժամանակ հայտնի փորձագետ Ժորա Ծատուրյանը դիվանագիտական համարանիշներով ավտոմեքենայով վրաերթի է ենթարկել հայտնի փաստաբան Ռուբեն Բալոյանին։

Այս մասին հայտնում է Shamshyan.com-ը։

Ինչպես հայտնում է ֆոտոլրագրող Գագիկ Շամշյանը, վրաերթի ենթարկվածը տեղափոխվել է Հերացու անվան հիվանդանոց։

Փաստի առթիվ նյութեր են նախապատրաստվում։  

Ավելի վաղ Shamshyan.com-ը հայտնել էր, որ ապրիլի 28-ին ձերբակալվել էր Երևանի բնակիչ Դավիթ Հայրապետյանը։

Ինչպես հայտնել էր ֆոտոլրագրողը, Խանջյան փողոցում՝ Վերնիսաժի դիմաց, բախվել էին Դ. Հայրապետյանի վարած դիվանագիտական համարանիշներով Mercedes S-Class մակնիշի և Արագածոտնի մարզի Կոշ գյուղի բնակիչ՝ 39-ամյա Խաչատուր Բադալյանի վարած ՎԱԶ 2106 մակնիշի ավտոմեքենաները, ինչի հետևանքով Խ. Բադալյանը ստացել էր մարմնական վնասվածքներ և տեղափոխվել թիվ 1 համալսարանական հիվանդանոց, որտեղ էլ ժամեր անց գիտակցության չգալով՝ մահացել էր։

Ֆոտոլրագրողի տեղեկություններով՝ ձերբակալված Դ. Հայրապետյանը, ով հանրությանն ավելի շատ հայտնի է «Դուդու» մականվամբ, տեղափոխվել է ոստիկանության Երևան քաղաքի վարչության ձերբակալվածների պահման վայր։ 

Նյութը՝ սկզբնաղբյուր կայքում