Asekose.am-ի տեղեկությունների համաձայն՝ սփյուռքի նախարար Հրանուշ Հակոբյանը կնշանակվի Ռուսաստանում ՀՀ արտակարգ և լիազոր դեսպան:
Հրանուշ Հակոբյանը խնամիական կապեր ունի Ռուսաստանի մեծահարուստ հայ Սամվել Կարապետյանի հետ և, ըստ իշխանական աղբյուրների, այդ փաստը կարող է նպաստել Մոսկվայում ՀՀ դեսպանատան գործունեության աշխուժացմանն ու հեղինակության բարձրացմանը:
Նշենք, որ Հրանուշ Հակոբյանի քրոջ՝ Խաչանուշ Հակոբյանի դուստրը` Վիկտորյան ամուսնացած է Սամվել Կարապետյանի եղբոր` ԱԺ պատգամավոր Կարեն Կարապետյանի որդու` Վահեի հետ:
Հիշեցնենք նաև, որ Դաշնակցության հետ կոալիցիոն կառավարության կազմելու հեռանկարի արդյունքում, ըստ տարածված տեղեկատվության, իշխող Հանրապետական կուսակցությունը ՀՅԴ-ին է հանձնելու սփյուռքի, աշխատանքի և սոցիալական հարցերի նախարարների և 1 փոխարտգործնախարարի պորտֆելները:
