«Սասնա ծռեր» խմի անդամ Պավել Մանուկյանն այսօր՝ հոկտեմբերի 3-ին Երեւանի ընդհանուր իրավասության դատարանում հայտարարեց իր պաշտպան Ազատ Շահբազյանից հրաժարվելու մասին:

Այն հարցին, թե ինչ պատճառով է հրաժարվում փաստաբանի ծառայություններից, Պավել Մանուկյանը պատասխանեց.  «Իմ ընկերն ա եղել նախկինում, բայց 30 տարվա ընկերները խարդախ դուրս եկան, լինում ա չէ՞»,-ասաց Պավել Մանուկյանը:

Հավելենք, որ   Պավել Մանուկյանն ու Արմեն Բիլյանն այսօր դատարանում հայտարարեցին, որ հացադուլ են սկսում:

Հիշեցնենք, որ «Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Պավել Մանուկյանը, Արմեն Բիլյանն ու Սմբատ Բարսեղյանը։ Մյուս 7 ամբաստանյալների նկատմամբ ընտրված խափանման միջոց կալանավորումը փոխվել է՝  պատգամավորների անձնական երաշխավորությամբ։