Զարուհի Փոստանջյանն այսօր ԱԺ-ում հարց ու պատասխանի ժամանակ փորձեց Կառավարությունից ճշտել, թե արդյոք նրանք հետևո՞ւմ են Ավետիսյանների ընտանիքի սպանության գործին:
«Հարցեր չե՞ք բարձրացնում, թե ինչո՞ւ ԱԱԾ-ն ու ոստիկանությունը չկարողացան ձերբակալել Պերմյակովին և այս պահին նա ապօրինի կերպով գտնվում է 102-րդ ռազմաբազայում և ինչո՞ւ ՀՀ իրավապահ մարմինների ներկայացուցիչները չեն գնում ռազմաբազա ու ձերբակալում նրան»:
Հարցին պատասխանեց Արդարադատության նախարար Հովհաննես Մանուկյանը՝ նշելով, որ ՀՀ կառավարությունը Գլխավոր դատախազին չի կարող հարցադրումներ անել, որոնք իր իրավասությունների ոլորտում չեն:
«Քննությունն իրականանում է և հույս ունեմ, որ ականատես կլինենք արդարացի և օրինական լուծման»,-հավելեց Արդարադատության նախարարը:
